Muzeu Kombëtar Etnografik në Krujë

Muzeu Kombëtar Etnografik i Krujës ndodhet brenda kalasë së Krujës. Ky muze është ngritur në shtëpinë e familjes së Toptanve, e cila është një ndërtesë e tipit “çardak” e vitit 1764. Banesa është monument kulture i kategorisë së I-rë, unik në trevat Ballkanike. Muzeu Kombëtar Etnografik i Krujës u përurua më 20 nëntor 1989. Nëpërmjet mjediseve të brendshme, si edhe objekteve të paraqitura në mjediset e jashtme, jepet një pamje e plotë e traditës së zejeve të ushtruara në Krujë dhe në të gjithë Shqipërinë dhe i mënyrës së jetesës, duke filluar që 300 vjet përpara. Autenticiteti i objekteve të këtij muzeu si objektet prej qeramike, druri, guri, hekuri, pambuku, mëndafshi, leshi dhe qëndismat e ndryshme e bëjnë muzeun një nga destinacionet të rëndësishëm të promovimit të vlerave të trashëgimisë sonë kombëtare. Mosha e këtyre objekteve varion nga 60-70 deri në 500-vjeçare.

Orari i vizitave

e Martë  –  e Dielë              09.00 – 17.00

e Dielë                                  09.00 – 14.00

Kategoritë dhe çmimet e biletave në sportel

Biletë për turistët vendas dhe të huaj                           400 lekë

Biletë grup +12                                                                  300 lekë

Biletë e reduktuar -50%                                                  150 lekë

Biletë për fëmijë 12-18 vjeç dhe studentë                   120 lekë

Biletë për fëmijë 0-12 vjeç                                              Hyrja falas

• Biletë individi online                                                                                    300 lekë
• Biletë Grupi +12                                                                                            200 lekë

BLI BILETËN ONLINE KLIKO KËTU

Çfarë mund të vizitohet:

Si Muze Kombëtar Etnografik i Krujës është përshtatur një banesë karakteristike qytetare të vitit 1764. Në katin e parë, jepet një pamje e plotë i zejeve të ushtruara në Krujë dhe në të gjithë Shqipërinë. Fillohet me punimin në hekur dhe baltë si edhe shajak, kantina e verës e rakisë, punishtja e vajit etj.

Kati i dytë organizohet në 5-6 dhoma kryesore ku tregohet mënyra e jetesës vite më pare.

Info të tjera

Parking (50 m largësi), Tualet, foto –filmime (me leje), info Shqip-Anglisht, Touchscreeen për marrjen e informacionit, Guidë, I përshtatshëm për fëmijë, Nuk lejohen kafshët, Duhani, Pijet.

Çmimet jane te vlefshme deri me 31 gusht!